|
Больш за 200 пісьменнікаў маюць гонар прадстаўляць літаратурную прастору Гомельшчыны: паэты, празаікі, драматургі, перакладчыкі, крытыкі. Адсюль пайшлі ў вялікае жыццё народныя пісьменнікі Беларусі Іван Шамякін, Іван Навуменка, Іван Мележ, Андрэй Макаёнак, шэраг лаўрэатаў літаратурных прэмій, у т. л. дзяржаўных. Гэта Анатоль Грачанікаў, Мікола Мятліцкі, Міхась Башлакоў. Мы ганарымся, што на Гомельшчыне нарадзіліся такія знакамітыя пісьменнікі, як Уладзімір Ліпскі, Мікола Чарняўскі, Анатоль Зэкаў, Васіль Ткачоў і іншыя. З любоўю і павагай яны згадваюць свае родныя мясціны, а іх творы дазваляюць зазірнуць у любыя куточкі радзімы. Менавіта ім прысвечана база дадзеных «Гомельшчына літаратурная».
У якасці аб’екта БД выступае пісьменнік, які належыць да пісьменніцкай арганізацыі і мае адносіны да Гомельскай вобласці (нарадзіўся ці жыў на тэрыторыі рэгіёна, жыве цяпер, незалежна ад месца нараджэння). Структурнымі элементамі БД з’яўляюцца фота пісьменніка, кароткая біяграфічная даведка з пералікам асноўных твораў, наяўнасць бібліяграфічнай інфармацыі аб жыцці і дзейнасці персаналіі.
Праграмнае забеспячэнне дазваляе праводзіць пошук па геаграфічнаму прынцыпу (па месцу нараджэння ці пражывання) і па прозвішчу.
База дадзеных знаходзіцца ў працэсе напаўнення, таму звесткі могуць быць няпоўнымі. |
|